ئەمڕۆ بۆ پێنجەمین رۆژ لەسەریەک گەڕان بەدوای تەرمی کارگوزارەکەی ماڵی پێشڕەو دزەیی بەردەوام بوو و نەتوانرا بدۆزرێتەوە.
ئەمڕۆ شەممە تیمەکانی بەرگریی شارستانیی هەولێر بۆ رۆژی پێنجەم لە گەڕان بەدوای تەرمی مێشڵی میندۆزا ی تەمەن 42 ساڵانی بەرەگەز فلیپینی بەردەوامن، بەڵام نەتوانرا بدۆزرێتەوە.
میشێل لە ماڵی پێشڕەو دزەیی وەک دایەنی ژینەی کچیان کاری دەکرد، لە کاتی رووداوی هێرشکردنە سەر ماڵەکەیان لە ژوورەکەی خۆیدا ماوەتەوە، بەڵام تا ئێستا جگە لە پاسپۆرتەکەی نەتوانراوە هیچ سەرەداوێک بۆ دۆزینەوەی بدۆزرێتەوە.
لەماوەی پێنج رۆژی کارکردنی تیمەکانی بەرگریی شارستانی شەش کارمەند بە سوکی برینداربوون.
