بەهۆی كەوتنی بۆردیی ئۆتۆمبێلێك بەسەریاندا لە سلێمانی كرێكارێك گیانیلەدەستدا و یەكێكی دیكەش برینداربوو.
چالاك رەئوف، سەرۆكی سەندیكاكانی كرێكاران لە سلێمانی بە تۆڕی میدیایی ئێستای راگەیاند، رووداوەكە نیوەڕۆی ئەمڕۆ لەكاتی هەوڵی چاككردنەوەی ئۆتۆمبێلی كۆمپانیایەك لە نزیك (شاری سپی) لە سلێمانی بووە، بەهۆیەوە كەسێك گیانیلەدەستداوە و یەكێكی دیكەش بریندارە و رەوانەی نەخۆشخانە كراوە.
وتیشی، “قوربانییەكان یەكێكیان شۆفێری ئۆتۆمبێلەكە و ئەوی دیكەش فیتەر (چاككەرەوەی ئۆتۆمبێل)ە و، هەردووكیان كوردن”.
