لە راپۆرتێکدا بانکی نێودەوڵەتی پێشبینی کردووە نرخی نەوتی جیهانی لە ساڵی 2024 دابەزێت و بگاتە 81 دۆلار بۆ هەر بەرمیلێک و لە ساڵی 2025یش ببێتە 78 دۆلار.
بەپێی داتاکانی بانکی نێودەوڵەتی، تێکڕای نرخی یەک بەرمیل نەوت لە ساڵی 2024دا 81 دۆلار دەبێت، لە کاتێکدا لە ساڵی 2023دا بە 83 دۆلار و یەک سەنت تۆمارکراوە.
بانکی نێودەوڵەتی پێشبینیش دەکات بۆ ساڵی 2025 تێکڕای نرخی بەرمیلێک نەوت بۆ هەر بەرمیلێک 78 دۆلار بێت، کە 6.4 دۆلار کەمترە لە چاو چاوەڕوانییەکانی پێشوو.
