سەرۆكی رێكخراوی یەكێتیی مامۆستایانی كوردستان رایدەگەیەنێت، پڕۆژەیەك ئاراستەی ئەنجومەنی وەزیران دەكرێت بۆ دەستپێكردنەوەی پلەبەرزكردنەوەی مامۆستایان و دامەزراندنی مامۆستایانی وانەبێژ بە گرێبەست.
عەبدولواحید محەمەد سەرۆكی رێكخراوی یەكێتیی مامۆستایانی كوردستان لە لێدوانێكدا بە تۆڕی میدیایی ئێستای راگەیاند، پڕۆژەیەك ئاراستەی ئەنجومەنی وەزیرانی هەرێم دەكرێت بۆ دەستپێكردنەوەی پلەبەرزكردنەوەی مامۆستایان و دامەزراندنی مامۆستایانی وانەبێژ بە شێوەی گرێبەست و جێبەجێكردنی داواكاریی مامۆستایان بە مەبەستی دەستپێكردنەوەی پڕۆسەی خوێندنی ئەمساڵ.
راشیگەیاند، وەكو یەكێتیی مامۆستایان پێشتریش پڕۆژەیەكی چوار خاڵیمان هەبوو كە داوامانكرد 30 رۆژ جارێك مووچە دابەشبكرێت، پلەبەرزكردنەوە دەستپێدەكاتەوە، مامۆستایانی وانەبێژ دابمەزرێندرێن و چارەنووسی پاشەكەوتی مووچەش یەكلابكرێتەوە.
