وەزارەتی كارەبای هەرێم رایدەگەیەنێت، “نزیكەی 300 مێگاوات كارەبا بۆ ناو تۆڕی كارەبای نیشتمانی گەڕایەوە و بەو هۆیەوە ماوەكانی پێدانی كارەبا زیاتر بووە.
بەپێی راگەیەندراوێكی وەزارەتی كارەبای هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە پڕۆسەی چاكسازیی وێستگەی بەرهەمهێنانی كارەبای خەبات كۆتاییهات و وێستگەكە كەوتەكار و نزیكەی 300 مێگاوات كارەبای بۆ ناو تۆڕی نیشتمانی گەڕایەوە و بەهۆیەوە ماوەكانی پێدانی كارەبا زیاتربووە.
هەر لە راگەیەندراوەكەدا هاتووە، دوای كوژانەوەی گشتیی كارەبا، وەزارەتی كارەبا لە رێگای بەڕێوەبەرایەتیی گشتیی كۆنترۆڵی كارەبای هەرێم و بەڕێوەبەرایەتیی كۆنترۆڵی پارێزگاكانەوە چەند ڕێوشوێنێكی بۆ باشتركردنی دۆخی كارەبا گرتووەتەبەر.
