ئەندامێكی خولی پێنجەمی پەرلەمانی كوردستان كێشەیەكی نێوان هەرێم و بەغداد ئاشكرادەكات و دەشڵێت،” تێچووی بەرهەمهێنانی نەوت لە هەرێم زیاترە و ئەوەش وایكردووە هەناردەی نەوتی هەرێم دەستپێنەكاتەوە”.
د. شێركۆ جەودەت ئەندامی خولی پێنجەمی پەرلەمانی كوردستان لە لێدوانێكدا بە تۆڕی میدیایی ئێستای راگەیاند، لە هەرێمی كوردستان چەند خزمەتگوزارییەكی ناوخۆیی تایبەت هەن كە لە بوارەكانی بەرهەمهێنانی نەوت كاردەكەن و ئەوەش وایكردووە بەرهەم تێچووی بەرهەمهێنانی نەوت بەرزبكەنەوە.
راشیگەیاند، یەكێك لە كێشەكانی نێوان هەرێم و بەغداد كە تا ئێستا هەناردەی نەوت دەستیپێنەكردووەتەوە تێچووی بەرهەمهێنانی نەوت لە هەرێمی كوردستان زیاترە ئەوەش بەهۆی چەند خزمەتگوزارییەكەوە لە بواری نەوتدا كاردەكەن.
