بافڵ جەلال تاڵەبانی، سەرۆكی یەكێتیی نیشتمانیی كوردستان لە دەباشان لەگەڵ جەلال شێخ ناجی، سەرۆكی ئاژانسی پاراستن و زانیاری/زانیاری كۆبووەوە.
لە كۆبوونەوەكەدا دۆخی ئەمنیی هەرێم، عێراق و ناوچەكە گفتوگۆیان لەبارەوەكرا و جەخت لە فراوانكردنی هەوڵەكان كرایەوە لەپێناو پاراستنی سەقامگیریی هەرێم.
سەرۆك بافڵ جەلال تاڵەبانی سەرەڕای ئەوەی ستایشی جەلال شێخ ناجی، سەرۆكی ئاژانسی كرد كە دڵسۆزانە لە هەوڵەكانی بۆ پاراستنی ئاسایش و جێبەجێكردنی ئەركە هەواڵگرییەكان بەردەوامە، راشیگەیاند، دەستەبەركردنی ژیانێكی ئارام و پاراستنی سەقامگیریی خاكەكەمان كاری لەپێشینەمانە، بۆیە پێویستە هەماهەنگی و هاریكاریی نێوان دەزگا هەوڵگری، ئەمنی و سەربازییەكان فراوانتربكرێت و هەموو تواناكان لە خزمەت بەرژەوەندییە باڵاكاندا بێت.
لە بەرامبەردا جەلال شێخ ناجی، سەرۆكی ئاژانسی پاراستن و زانیاری/زانیاری سوپاسی پەرۆشی و پشتیوانییە بەردەوامەكانی سەرۆك بافڵی كرد كە هەمیشە هاوكاربووە لە سەرخستنی ئەركەكانی ئاژانسەكە و هەوڵدان بۆ پارێزگاریكردن لە ژیانی خەڵك و ئاسایشی هەرێمەكەمان.
