لە قەڵادزێ، مامۆستایانی وانەبێژ دژی دانەمەزراندنیان گردبوونەوە.
ئەمڕۆ پێنجشەممە، جارێكی دیكە مامۆستایانی وانەبێژ لە قەڵادزێ دژی دانەمەزراندنیان گردبوونەوە و رایانگەیاند، حكومەتی هەرێم كەرتی پەروەردەی پشتگوێخستووە و نایەوێت مامۆستایانی وانەبێژ دابمەزرێنێت.
ئەو مامۆستایانە دەڵێن، تا داواكانیان جێبەجێنەكرێت و نەكرێنە هەمیشەیی، لەسەر هەڵوێستەكانیان بەردەوامدەبن و ناچنەوە هۆڵەكانی خوێندن.
ئەوە لەكاتێكدایە ماوەی مانگێكە مامۆستایان بەهۆی پێنەدانی مووچەكانیانەوە ناچنەوە هۆڵەكانی خوێندن و بایكۆتیان راگەیاندووە و زیاتر لە 33 هەزار مامۆستای وانەبێژ لە هەرێمی كوردستاندا هەن.
