بەرپرسێکی کۆمسیۆنی باڵای سەربەخۆی هەڵبژاردنەکان رایدەگەیەنێت تەنها لەدایکبووانی دوو مانگی سەرەتای ساڵی 2006 دەتوانن بەشداری لە هەڵبژاردنەکانی پەرلەمانی کوردستاندا بکەن.
بۆتان شێرکۆ جاف یاریدەدەری هونەری لە لقی هەولێری کۆمسیۆنی باڵای سەربەخۆی هەڵبژاردنەکان بە تۆڕی میدیایی ئێستا، “بۆ هەڵبژاردنی ئەنجومەنی پارێزگاکان سەرجەم لەدایکبووانی ساڵی 2005 مافی بەشداریکردنیان هەیە و کارتی بایۆمەتریان بۆ دەرهێنراوە، چونکە ئەمساڵ 18 ساڵیان تەواوکردووە، بەڵام لەدایکبووانی ساڵی 2006 مافی دەنگدانیان نییە”.
ئاماژەی بەوەشکرد، “بۆ هەڵبژاردنی پەرلەمانی کوردستان کە دەکەوێتە ساڵی داهاتووەوە، لەدایکبووانی 1-1-2006 تا لەدایکبووانی 25-2-2006 مافی دەنگدانیان هەیە، چونکە تا کاتی دەنگدانەکە تەنها ئەمانە 18 ساڵ تەواودەکەن”.
ئاشکراشیکرد، “دەتوانن ئەو کەسانەی بڕیارەکە دەیانگرێتەوە تا 19 ی ئەم مانگە سەردانی بنکەکانی دەنگدان بکەن و کارتی بایۆمەتری دەنگدان دەربهێنن”.
