پارێزگاری بانكی ناوەندیی عێراق رایدەگەیەنێت، ساڵی داهاتوو تەواوی مامەڵە بازرگانییە ناوخۆییەكان بە دینار دەبێت نەك دۆلار و دەشڵێت، “دابینكردنی دۆلار بە نرخی فەرمی بەردەوامدەبێت كە یەك دۆلار بە 1320 دینار لە بانكی ناوەندیی دەفرۆشرێت”.
عەلی عەلاق پارێزگاری بانكی ناوەندیی عێراق رایگەیاند، سیستمی نوێی حەواڵەی دەرەكی و فرۆشتنی دۆلار سیستمێكی پارێزراوە و لە ئێستادا زۆرینەی بازرگانەكان پەنایان بۆ سەكۆی ئەلیكترۆنی بردووە بە مەبەستی وەرگرتنی دۆلار بە نرخی فەرمی.
راشیگەیاند، ساڵی داهاتوو مامەڵە بازرگانییە ناوخۆییەكان بە دینار دەبێت نەك دۆلار لە هەمانكاتدا دابینكردنی دۆلار بە نرخی فەرمی بەردەوامدەبێت كە یەك دۆلار بە 1320 دینار لە بانكی ناوەندیی دەفرۆشرێت.
