لە كۆبوونەوەی سبەی ئەنجومەنی نوێنەرانی عێراقدا دەنگ لەسەر پڕۆژەیاسای بە پارێزگابوونی هەڵەبجە دەدرێت و خوێندنەوەی یەكەم بۆ چەند پڕۆژەیاسایەك دەكرێت.
بەپێی خشتەی كاری ئەنجومەنی نوێنەرانی عێراق لە دانیشتنی سبەینێدا، دەنگ بە پڕۆژەیاسای بەپارێزگاكردنی هەڵەبجە و هەمواری دووەمی یاسای بیمەی فەرمانبەرانی حكومی دەدرێت.
ئاماژە بۆ ئەوەشكراوە، خوێندنەوەی یەكەم بۆ پڕۆژەیاسای رێككەوتنی خزمەتگوزاریی گواستنەوەی ئاسمانی نێوان هەردوو حكومەتی عێراق و روسیاش دەكرێت.
بەپێی زانیارییەكانی تۆڕی میدیایی ئێستا، بەڵێن لە زۆرینەی فراكسیۆنەكانی نێو پەرلەمانی عێراق وەرگیراوە كە دەنگ بە پڕۆژەیاسای بە پارێزگابوونی هەڵەبجە بدەن.
