بافڵ جەلال تاڵەبانی، سەرۆكی یەكێتیی نیشتمانیی كوردستان لە بەغداد چاویكەوت بە ئەبوكەرار ئەلفرێجی، ئەمینداری گشتیی حزبی فەزیلە.
لەدیدارێكدا كە رەفعەت عەبدوڵا، بڕیاردەری دەستەی كارگێڕی و سەعدی ئەحمەد پیرە و خالید شوانی، ئەندامانی مەكتەبی سیاسی ئامادەبوون، گەشەپێدانی پەیوەندییەكان و فراوانكردنی هەماهەنگییەكان لەپێناو سەرخستنی پڕۆسەی سیاسی و زاڵبوون بەسەر كێشەكاندا گفتوگۆی لەبارەوەكرا.
سەرۆك بافڵ جەلال تاڵەبانی ئاماژەی بە سیاسەت و ستراتیژی نەگۆڕی یەكێتی كرد سەبارەت بە پرسە نیشتمانییەكان و رایگەیاند، “بڕوای تەواومان بە لێكتێگەیشتن و كاری پێكەوەیی هەیە، سیاسەتی زۆرینە و كەمینە رەتدەكەینەوە و دەمانەوێت هەمووان لەژێر سایەی دەستووردا مافەكانیان پارێزراوبێت”.
