بەڕێوەبەرایەتیی پۆلیسی سۆران دەستگیرکردنی دوو کەسی راگەیاند کە دۆلاری ساختەیان ساغکردبووەوە.
بەڕێوەبەرایەتیی پۆلیسی سۆران لە راگەیەندراوێکدا بڵاویکردەوە، “دوای ئەوەی لە رێکەوتی 22 ی حوزەیران نوسینگەی نەهێشتنی تاوانی سۆران ئاگادارکرانەوە کەوا دووکەس پارە و دۆلاری ساختە ساغدەکەنەوە لەناو بازاڕی سۆران دەست بەجێ مەفرەزەکانیان گەیشتنە شوێنەکە و توانیان هەردوو کەسەکە کە دانیشتووی وڵاتی تورکیان دەستگیربکرێن”.
ئاماژەی بەوەشکرد، “لە کاتی دەستگیرکردنی تۆمەتبارەکان دەستگیرا بەسەر بڕی 10 هەزار و 350 دۆلاردا لە جۆری 50 دۆلاری ئەمریکی ساختە”.
ئاشکراشیکرد، “لەسەر بڕیاری دادوەری لێکۆڵینەوەی سۆران هەردوو تۆمەتباران راگیران بە پێی ماددەی 281 لە یاسای سزادان و لێکۆڵینەوە ڵەگەڵیان بەردەوامە”.
