ئاگرێكی گەورە لە پووش و پاوانی ئاكرێ لە نزیك چەند ماڵێك كەوتەوە و بەهۆیەوە بەشێك لە گەنمی جوتیاران لە سنوورەكە سووتا و تیمەكانی بەرگریی شارستانیی قەزاكەش ئاگرەكەیان كۆنترۆڵكرد.
بەپێی راگەیەندراوێكی بەڕێوەبەرایەتیی بەرگریی شارستانیی ئاكرێ كە وێنەیەكی دەست تۆڕی میدیایی ئێستا كەوتووە و تێیدا هاتووە، كەمێك پێش ئێستا ئاگرێكی گەورە لە پووش و پاوانی ئاكرێ لە نزیك چەند ماڵێك كەوتەوە و بەشێك لە گەنمی جوتیاران سووتا و تیمەكانی بەرگریی شارستانیی گوڵان، ئاكرێ و مەفرەزەیەكی هاتوچۆی ئازادی گەیشتنە شوێنەكە و ئاگرەكەیان كۆنترۆڵكرد.
ئاماژە بۆ ئەوەش كراوە، ئاگرەكە تەنها زیانی ماددیی هەبووە و تائێستا هۆكاری كەوتنەوەی ئاگرەكە نەزاندراوە.
