پەروین بۆڵدان دوای دەنگدانی بۆ هەڵبژاردنی سەرۆکایەتیی تورکیا و پەرلەمانی ئەو وڵاتە رایگەیاند، دەنگیان بۆ گۆڕانکاری داوە و هیوادارن گۆڕانکاریی گەورە رووبدات.
کەمێک پێش ئێستا پەروین بۆڵدان هاوسەرۆکی پارتی دیموکراتی گەلان (هەدەپە) لە بنکەیەکی شاری وان-ی باکووری کوردستان دەنگیدا.
دوای دەنگدانی، پەروین بۆڵدان هاوسەرۆکی هەدەپە رایگەیاند، “هیوادارین گۆڕانکاریی گەورە لە تورکیا رووبدات و بۆ ئەو مەبەستەش دەنگماندا، داوا لە خەڵک دەکەن بڕۆن و دەنگ بۆ گۆڕانکاری بدەن”.
بۆڵدان وتی، ماوەیەکی زۆرە خەبات دەکەین و ئەمڕۆ ئەو رۆژەیە بەرهەمی ماندووبوونمان وەربگرینەوە.
بەیانیی ئەمڕۆ لە کاتژمێر 8:00ى بەیانى پرۆسەی دەنگدان بۆ هەڵبژاردنى سەرۆکایەتى و پەرلەمانى تورکیا دەستپێکرد و پرۆسەکە تا کاتژمێر 5:00 ى ئێوارە درێژەى دەبێت.
