وەزارەتی كۆچ و كۆچبەرانی عێراق ژمارەی كامپەكان و ئاوارەبووان ئاشكرادەكات.
عەلی عەباس، بەڕێوەبەری گشتی لە وەزارەتی كۆچ رایگەیاند، ژمارەی ئەو كامپانەی لە هەرێمی كوردستاندان 26 كامپە، لەوانە 16یان لە دهۆك، شەش لە هەولێر و چواریش لە سلێمانی.
وتیشی، “ژمارەی ئەو ئاوارانەی لەو كامپانەدان دەگاتە نزیكەی 36 هەزار خێزان”.
زۆرینەی ئاوارەبووان لە قەزای شەنگال-ن، بەدوایدا ئاوارەبووانی پارێزگاكانی ئەنبار، سەڵاحەدین و دیالە دێن، وەك ئەوەی بەرپرسە حكومییەكە ئاماژەی پێدا.
لەكاتێكی پێشتردا ئیڤان فایەق، وەزیری كۆچ رایگەیاند، پابەندییان هەیە بە بەرنامەی حكومییەوە بەوەی دۆسیەی ئاوارەبووان لە ماوەی شەش مانگدا دابخەن.
