نەخۆشخانەی فریاکەوتنی شەهید هەژار بڵاویکردەوە، لە سێ رۆژی جەژنی رەمەزاندا 455 کەس سەردانی نەخۆشخانەکەیان کردووە و شەش کەسیش گیانیان لەدەستداوە.
نەخۆشخانەی فریاکەوتنی شەهید هەژار لە کەلار ئامارەکانی سێ رۆژی جەژنی رەمەزانی بڵاوکردەوە و بەپێی ئەوەش، “لەسێ رۆژی جەژندا 455 کەس سەردانی نەخۆشخانەیان کردووە، کە 78 حاڵەتی ژەهراویبوونیان لەناودا بووە”.
ئاماژەی بەوەشکرد، “27 رووداوی کەوتنەخوارەوە و 14 برینداری رووداوی هاتوچۆ و برینداربوون بەهۆی چەقۆوە، 11 حاڵەت و دوو حاڵەتی برینداربوون بە فیشەک و چوار حاڵەتی سووتاوی و دوو حاڵەتی پێوەدانی دووپشک و یەک حاڵەتی کارەباگرتن تۆمارکراون”.
ئاشکراشیکرد، “لەو سێ رۆژەدا شەش حاڵەتی مردن بە هۆکاری جیاواز تۆمارکراون”.
