لە سلێمانی رووداوێكی هاتوچۆ لە جۆری پێكدادان لە نێوان سێ ئۆتۆمبێلدا روویدا.
ئێوارەی ئەمڕۆ هەینی، سێ ئۆتۆمبێل لە شەقامی سالم (سەهۆڵەکە)ی شاری سلێمانی پێكیاندادا، سەرباری پێكدادانی ئۆتۆمبێلەكان، زیان بەر كوشك و كەپر و شوێنكاری چەند هاوڵاتییەك لە نزیك شوێنی رووداوەكە كەوتووە.
بەپێی زانیارییەكان، جگە لە زیانی ماددی، رووداوەكە هیچ زیانێکی گیانیی لێنەكەوتووەتەوە و تیمەكانی پۆلیسی هاتوچۆ و بەڕێوەبەرایەتیی گشتیی بەرگریی شارستانیی سلێمانی، چوونەتە شوێنی رووداوەكە و رێكاری پێویست گیراوەتەبەر.
لە یەكەم رۆژی جەژنی رەمەزاندا، چەند رووداوێكی هاتوچۆ و ئاگرگرتنی ئۆتۆمبێل لە شارەكانی كەركوك، دهۆك و سلێمانی روویاندا و یەكێك لە رووداوەكانی هاتوچۆ كە لەسەر رێگای كەركوك – چەمچەماڵ روویدا، بووەهۆی گیانلەدەستدانی كەسێك و برینداربوونی شەش كەسی دیكە.
