هێڵی ئاسمانی عێراقی بڕیاریدا بە رێژەی %25 داشکاندن لە تێچووی گەشتی ئاسمانیی خانەنشیناندا بکات.
هێڵی ئاسمانی عێراقی لە ئاگادارییەکدا بڵاویکردووەتەوە، “ئەو هاوڵاتییە خانەنشینانەی دەیانەوێت لەرێگەی هێڵەکەمانەوە گەشت بکەن بە رێژەی %25 داشکاندنیان لە کڕینی تکتی گەشتەکانیان بۆ دەکرێت”.
ئاماژەیبەوەشکردووە، “داشکاندنەکە بۆ یەک جارە لە ساڵێکدا، هەر خانەنشینێك دەیەوێت سوود لەو خزمەتگوزارییە وەربگرێت سەردانی نوسینگەکانمان لە ناوەوە و دەرەوەی عێراق بکات”.
