ویلایەتە یەکگرتووەکانی ئەمریکا، ئەمڕۆ پێنجشەممە 17ی کانونی یەکەم ئاشکرایکرد کە سزای بەسەر پێنج کۆمپانیای پیترۆ کیمیایی پەیوەندیدار بە ئێرانەوە سەپاند.
وەزارەتی دەرەوەی ئەمریکا لە ڕاگەیەنراوێکدا ئاشکرایکرد، “وەزارەتی دەرەوە سزای بەسەر کۆمپانیای ڤێتنام بۆ گواستنەوەی گاز و بەرهەمە کیمیاییەکان کە بەشداریکردووە لە گواستنەوەی بەرهەمە نەوتییەکان بۆ ئێران.
لە ڕاگەیەنراوەکەدا هاتووە کە وەزارەتی گەنجینەی ئەمریکا سزای بەسەر چوار لایەنی دیکەدا سەپاندووە، بەهۆی ڕۆڵیان لە ئاسانکاریی بۆ هەناردەکردنی بەرهەمە پێترۆکیمیاییەکانی ئێران.
ئاماژەی بەوەشکردووە کە ئەم سزایانە لە چوارچێوەی ڕێگرییەکانە لە هەنگاوەکانی ئێران لە پێشێلکردنی مافەکانی مرۆڤدا بەرامبەر گەلی ئێران، سزاکانی سەر ئێران تەنها کاتێک کەمدەکرێتەوە کە ئێران گۆڕانکاریی لە ڕەفتارەکانیدا بکات.
