بانكی ناوەندیی عێراق بڕیاری دا دۆلار بە نرخی فەرمی و بە 1320 دینار بۆ هەر دۆلارێك بدرێت بە هاوڵاتییان.
بەپێی نووسراوێك كە واژووی فەیسەڵ هەیمەس جێگری پارێزگاری بانكی ناوەندی بەوەكالەتی لەسەرە و ئاراستەی بانكە مۆڵەتپێدراوەكان، كۆمپانیا و نووسینگەكانی ئاڵوگۆڕی دراو كراوە، 100 دۆلار بە 132 هەزار دینار دەدرێت بە هاوڵاتی.
نووسراوەكە لەبارەی مەرجی فرۆشتنی دۆلار بە نرخی فەرمی بە هاوڵاتی دەڵێت، “لێكۆڵینەوە بكرێت لە ناسنامەی ئەو كەسەی دۆلار دەكڕێت و ئەو بەڵگەنامانەی پێویستە پێشكەشیان بكات، بۆ ئەوەی بەڵگەنامەكان لەلایەن كەسی ترەوە بەكارنەهێنرێن بە مەبەستی كڕینی دۆلار”.
