ئەندامێکی ئەنجومەنی نوێنەرانی عێراق رایگەیاند، تێبینیان لەسەر چەند بڕگەیەکی پرۆژە یاسای بودجە هەیە، لەدوای تێپەڕاندنی پرۆژەی هەمواری یاسای هەڵبژاردنەکان گۆڕانکاری تێدا دەکرێت و دەخرێتە دەنگدانەوە.
عارف حەمامی ئەندامی ئەنجومەنی نوێنەرانی عێراق رایگەیاند، “بە گشتی پرۆژە یاسای بودجە کێشەیەکی ئەوتۆی تێدا نییە، بەڵام تێبینیمان لەسەر چەند بڕگەیەکی هەیە، لە دوای خوێندنەوەی یەکەم گۆڕانکاریان تێدا دەکرێت و دەخرێتە دەنگدانەوە”.
ئاماژەی بەوەشکرد، “یەکلاکردنەوەی پرۆژە یاسای بودجە دەکەوێتە دوای پەسەندکردنی هەمواری یاسای هەڵبژاردنی پارێزگاکانی عێراق، بۆیە پێویستە پەلە بکرێت و سبەینێ شەممە لە کۆبوونەوەی ئەنجومەنی نوێنەران یەکلایی بکرێتەوە”.
