سێ گەنج کە بەمەبەستی گەشت و سەیران روویان لە ناوچەکە کردبوو، کەوتوونەتە ناو دەریاچەی دەربەندیخانەوە و دووانیان رزگاریان بووە و یەکێکیان خنکا.
کەیوان ئەحمەد بەڕێوەبەری بەرگری شارستانیی دەربەندیخان بە تۆڕی میدیایی ئێستای راگەیاند، “بەیانیی ئەمڕۆ پەیوەندیمان پێوەکرا، کە شەوی رابردوو سێ گەنج لەسەر دەریاچەی دەربەندیخان ماونەتەوە و کەوتوونەتە دەریاچەکەوە و دووانیان توانیویانە خۆیان رزگار بکەن، بەڵام بەداخەوە ئەوەی دیکەیان خنکاوە”.
ئاماژەی بەوەش کرد، “ئەوەی خنکاوە دانیشتووی قەزای دەربەندیخانە، تا ئێستا نەتوانراوە تەرمەکەی بدۆزرێتەوە، تیمەکانمان لە گەڕانەکانیان بۆ دۆزینەوەی بەردەوامن”.
