لە رووداوێکی هاتوچۆدا لە گەرمیان دوو کەس برینداربوون.
راگەیاندنی هاتوچۆی گەرمیان دەڵێت، رووداوەكە دوای نیوەڕۆی ئەمڕۆ هەینی لە گوندی بەرلوت روویداوە.
لە راگەیەندراوێكدا هاتوچۆی گەرمیان ئاشكرایكردووە، رووداوەكە لە جۆری پێکدادان بووە و لە نێوان ماتۆڕسکیلێک و ئۆتۆمبێلێکی جۆری هیۆندای تایبەتدا روویداوە، بەهۆیەوە دوو کەس برینداربوون کە لێخوڕ و سەرنشینی ماتۆڕسکیلەکە بوون.
