پۆلیسی سلێمانی دەستگیرکردنی تۆمەتبارێکی راگەیاند کە ڤیزای ساخته‌ی بۆ چه‌ند خێزانێك دروستكردووه و به فێڵ پاره‌ی لێوه‌رگرتوون به بیانووی ناردنیان بۆ ده‌ره‌وه‌ی وڵات.
بەڕێوەبەرایەتیی پۆلیسی سلێمانی بڵاویکردەوە، “دوای ئه‌وه‌ی چه‌ند سكاڵایه‌ك له‌سه‌ر تۆمه‌تبارێك تۆماركرا كه ڤیزای ساخته‌ی بۆ چه‌ند خێزانێك دروستكردووه و به فێڵ پاره‌ی لێوه‌رگرتوون به بیانووی ناردنیان بۆ ده‌ره‌وه‌ی وڵات، ده‌ستبه‌جێ هێزەكانی پۆلیس لێكۆڵینەوە و بەدواداچوونەكانیان بۆ دۆزینه‌وه و ده‌ستگیركردنی تۆمه‌تبار دەستپێكرد، پاش وه‌رگرتنی بڕیاری دادوه‌ر، مه‌فره‌زه‌كانی نوسینگه‌ی نه‌هێشتنی تاوانی رۆژهه‌ڵات توانیان تۆمه‌تبار ده‌ستگیربكه‌ن”.
ئاماژەی بەوەش کرد، “لەئێستادا تۆمه‌تبار م، ع، أ له دایكبووی 1987 دانی به تاوانه‌كه‌یدا ناوه و بە بڕیاری دادوەر و به‌پێی مادده‌ی 298/289 له یاسای سزادان راگیراوه و لێكۆڵینەوەكان لەگەڵیدا بەردەوامە”.
