بانکی ناوەندیی عێراق رەزامەندیی پیشاندا بە فرۆشتنی دۆلار لە فڕۆکەخانەکانی هەولێر و سلێمانی بە نرخی کەمتر لە بازاڕ و هەر 100 دۆلارێک بە 132 هەزار دینار دەدرێت بە گەشتیاران.
نەرمین مەعروف ئەندامی لیژنەی دارایی ئەنجومەنی نوێنەرانی عێراق رایگەیاند، “ئەمڕۆ بڕیاری بانکی ناوەندیی عێراق بۆ فرۆشتنی دۆلار لە فڕۆکەخانەکاندا بە نرخی فەرمی پەسەندکرا و لە فڕۆکەخانەکانی هەرێمی کوردستانیش بە نرخی فەرمی دۆلار دەدرێت بە گەشتیار”.
ئاماژەی بەوەشکردووە، “گەشتیارانی هەرێمی کوردستان دەتوانن بە مەرجی هەبوونی ڤیزا و بلیتی فڕۆکە بڕی حەوت هەزار دۆلار بە نرخی 132 هەزار دینار بەرامبەر هەر 100 دۆلارێک بکڕن”.
