میدیای فەرمیی یەكێتی لە نووسینێكیدا بەناونیشانی دوو هەڤاڵەكەی بادینانمان ئازادبكەن، بڵاوكردووەتەوە و تێیدا هاتووە، ئاسایشی دهۆك كە لە ژێر دەسەڵاتی پارتییە دوو كادری كۆمیتەی دینارتەی یەكێتیی نیشتمانیی كوردستانیان دەستگیركردووە بەبێ هیچ پەڕاو و رەزامەندییەكی یاسایی و دادوەری، كە هەریەك لە هەڤاڵانمان (عاسف حسێن حەمۆ، محەمەد ئەمین خدر ) كارگێڕی كۆمیتەن و بەپێی لێدوانی هەڤاڵ محەمەد ئەمین شێروانی لێپرسراوی مەڵبەندی دهۆك بۆ میدیای فەرمیی یەكێَتی،”ئاسایشی پارتی بەبێ بڕیاری دادوەر و لە دەرەوەی ماڵەكەیان، ئەو دوو كادرەی یەكێتی-یان ڕفاندووە، تەنها لەبەر ئەوەی ئینتیمای سیاسییان لەگەڵ ئەواندا یەكناگرێتەوە”.
هەڤاڵەكانمان هەرئێستا بەربدەن و مەیكەنە پەراوی سەرمێزی مفاوەزات و گفتوگۆی داهاتوو، چونكە كەس مفاوەزات لەسەر ئازادی و مافی سیاسەتكردن ناكات!!. هیومان رایتس وۆچیش وای پێوتوون و كوردایەتیی رەسەن و حوكمڕانی دیموكرات و مۆدێرنیش هەر واتان پێدەڵێت.
