پۆلیسی سلێمانی رایگەیاند کە دوو تەقەکەریان دەستگیرکردووە و دەستیش بەسەر دوو چەکدا گیراوە.
بەڕێوەبەرایەتیی پۆلیسی سلێمانی لە راگەیەندراوێکدا ئاشکرایکرد، ” لە دوو هەڵمەتی جیادا دوو تەقەكەر دەستگیركران و دەستیشگیرا بەسەر دوو چەكی جۆری دەمانچەدا.
لە راگەیەندراوەکەدا هاتووە، “دوای ئەوەی چەند حاڵەتێكی تەقەكردن لەسنووری گەڕەكی بەكرەجۆ ڕوویاندا، هێزەكانی پۆلیسی سلێمانی لێكۆڵینەوەكانی دەستپێكرد و سەرنجام توانرا لە دوو هەڵمەتی جیادا و لەلایەن نوسینگەی نەهێشتنی تاوانی بەكرەجۆ و بنكەی پۆلیسی بەكرەجۆوە دوو تەقەكەر دەستگیربكرێن”.
پۆلیس ناسنامەی تۆمەتبارەکانی دەستگیرکردووە بە ناوەکانی، ( م،ح،ع لەدایكبووی 2006 و ع،م،ع لەدایكبووی 2006 ) کە ئێستا راگیراون و لێکۆڵینەوە لێیان بەردەوامە.
