لە دوێنێوە زۆرترین رێژەی باران لە کەلار و خانەقین باریوە

کەشناسیی هەرێمی کوردستان رێژەی بارانبارینی دوێنێ چوارشەممەی بڵاوکردەوە، بەپێی ئامارەکە کەلار و خانەقین زۆرترین بارانیان لێ باریوە.

بەڕێوەبەرایەتیی کەشناسیی هەرێمی کوردستان بڵاویکردووەتەوە، لە کاتژمێر 9:00ی بەیانیی دوێنێ تاوەکو 9:00ی شەوی رابردوو زۆرترین باران لە خانەقین باریوە بە بڕی 18 ملیمەتر و لە کەلاریش بەبڕی 13.4 ملیمەتر.

هەروەها کەمترین رێژەی بارانبارین لە شارۆچکەی دوکان تۆمارکراوە کە 0.2 ملیمەتر باریوە.

لە ناو ساری هەولێر 0.5 ملیمەتر، لە سلێمانی 9.4 ملیمەتر و لەناو شاری دهۆکیشدا هیچ بڕە بارانێک نەباریوە.