كچە خوێندكارێكی زانكۆی گەرمیان هەڵەیەكی گەورە لە كتێبێكی متمانە پێكراوی پزیشكیی جیهانییدا دەدۆزێتەوە
چۆنیەتی دۆزینەوەی ھەڵەكە:-
خوێندكار (بەهار حسێن رەحیم) لە كاتی خوێندنی وانەی تایبەت بە نەخۆشییەكانی لیكەڕژێنەكان (ئەندامێكە لە كۆئەندامی ھەرس) لە لاپەڕەی 794 بەشی 49 یەمی كتێبەكەدا تێبینیی ھەڵەیەك دەكات لە نووسینێكی ئەو لاپەڕەیەدا، دوای پێداچوونەوە و گەڕان لە چەندین سەرچاوەی تایبەت بە نەشتەرگەری و فیسیۆلۆژی جەستەی مرۆڤ، توانی ھەڵەكە پشتڕاستبكاتەوە و لە ڕێگەی ئیمەیلەوە ناوەندی بڵاوكەرەوەی كتێبەكە (CRC press)ی لێ ئاگاداربكاتەوە، ئەوانیش لای خۆیانەوە نووسەرانی ئەو بەشەی كتێبەكە ( Mark McGurk ، Leandros-Vassilios F. Vassiliou) ئاگاداردەكەنەوە. دوای پێداچوونەوە بۆ ھەڵەكە دەستخۆشی لە خوێندكاری ناوبراو دەكەن و بەڵێنی ڕاستكردنەوەی ئەو ھەڵە زانستییەی پێدەدەن لە چاپەكانی داهاتووی كتێبەكەدا.
