وەزیری كشتوكاڵی هەرێم رایدەگەیەنێت، “هەر لە سەرەتای كابینەی نۆیەمدا بەڵێنماندا كار لەسەر هەناردەكردنی هەناری هەڵەبجە بكەین و بەڵێنەكەمان بەجێهێنا و دڵخۆشم رۆژ بە رۆژ بەرهەم و دەرئەنجامی كارەكانی وەزارەتی كشتوكاڵ سەرپێدەخەین”.
بێگەرد تاڵەبانی وەزیری كشتوكاڵی هەرێم رایگەیاند، “دەمانەوێت هەناری هەڵەبجە وەكو براندێكی كوردی بەناوبانگ هەناردەی دەرەوە بكەین كە بە ئاراستەی هەنگاوی كردەیی و ستراتیژی برەودان بە كەرتی كشتوكاڵی خۆماڵی”.
دەشڵێت، “بەڵێنەكەمان بەجێهێنا و دڵخۆشم كە رۆژ بە رۆژ بەرهەم و دەرئەنجامی كارەكانی وەزارەتمان سەرپێدەخەین و بەردەوام دەبین تا ئەو كاتەی كشتوكاڵ دەبێتە سەرچاوەیەكی سەرەكی ژێرخانی ئابوری و داهاتی حكومەت و كەرتی تایبەتیش”.
