ژنێك تەقەی لە هاوسەرەكەی كرد و كوشتی، هۆكارەكەی هاوسەرگیریكردنی پیاوەكەیە لەگەڵ ژنێكی سوریدا.
رووداوەكە لە پارێزگای نەجەف روویداوە، بەپێی راگەیەندراوی پۆلیسی پارێزگاكە، ئەمڕۆ پێنجشەممە ژنێك تەقەی لە هاوسەرەكەی كردووە و گولـلەیەكی بە سەریەوە ناوە.
پۆلیسی پارێزگای نەجەف دەڵێت، “پیاوەكە دەستبەجێ گیانیلەدەستداوە و هۆكاری تاوانەكەش هاوسەرگیریكردنی پیاوەكەیە لەگەڵ ژنێكی دیكەدا كە بە رەگەز سورییە”.
چەند رۆژێك پێش ئێستا و لە هەمان پارێزگا، ژنێك هاوسەرەكەی خۆی بە چەقۆ كوشت و لە دانپێدانانی كاتی لێكۆڵینەوەدا، هۆكارەكەی گەڕاندبووەوە بۆ كێشەی خێزانی.
