پاش ئەوەی یۆنان بەناچاری بە ڕێگا ئاوییەكاندا ژمارەیەك پەنابەری نایاسایی گەڕاندەوە بۆ توركیا، كەوتنە مەترسییەوە و تیمێكی ئێشكگری كەناراوەكانی سەربە توركیا ڕزگاری كردن.
بەگوێرەی هەواڵێكی ئاژانسی ئانادۆڵو، ئەمڕۆ شەممە 5ی كانونی یەكەم، تیمە ئێشكگری كەناراوەكانی توركیا لە ئیزمیر ئاگاداركرایەوە لەوەی فریای بەلەمێك بكەوێت كە پەنابەری نایاسایی تێدابووە.
ئەوەش خراوەتەڕوو، بەلەمەكە 29 كەسی تێدابووە، كە یۆنان ناچاری كردوون چۆن ڕۆشتوونەتە وڵاتەكەی ئاوا بگەڕینەوە توركیا و بەهەمان بەلەمی قاچاخ گەڕاندوونیەتییەوە.
دواتر سەرجەم پەنابەرەكان برانە بنكەی دیپۆرتكردنەوە لە وڵاتی توركیا، بۆ ئەوەی ڕێكارە یاساییەكان تەواو بكەن و بگەڕێندرێنەوە وڵاتی خۆیان.
