بەڕێوەبەرایەتیی پۆلیسی هەولێر بڵاویكردووەتەوە، كەسێك دەستگیركرا كەلوپەلی لەنێو چەندین ئۆتۆمبێلدا دزیوە.
بەپێی ڕاگەیەندراوێكی بەڕێوەبەرایەتیی پۆلیسی هەولێر كە وێنەیەكی دەست تۆڕی میدیایی ئێستا كەوتووە و تێیدا هاتووە، بەشی پۆلیسی نەهێشتنی تاوان، نووسینگەی باكوور، تۆمەتبارێكیان دەستگیركرد بە تۆمەتی دزینی پارە و كەلوپەلی نێو چەندین ئۆتۆمبێل لەبەردەم دادگای هەولێر و پاركی سامی عەبدولرەحمان و بەردەم بارەگای پاسپۆرت كە دواتر تۆمەتبارەكە دانیناوە بە چەندین تاوانی لەم شێوەیە.
ئاماژە بۆ ئەوەش كراوە، پەڕاوی لێكۆڵینەوەی بۆ ڕێكخراوە و بە بڕیاری دادوەر بەپێی ماددە 446 لە یاسای سزادان بڕیاری ڕاگرتنی تۆمەتباری دەركراوە.
