وەزارەتی خوێندنی باڵا و توێژینەوەی زانستیی هەرێم بڕیاریدا بە زیادكردنی وانەی پەڕینەوە (عبور) بۆ دوو وانە لە سیستمی ساڵانە و چوار وانە لە سیستمی وەرزی تەنها بۆ ئەو قۆناغانەی كە سیستمی خوێندنی تیادا دەگۆڕدرێت.
بەپێی ڕاگەیەندراوێكی وەزارەتی خوێندنی باڵا و توێژینەوەی زانستیی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە
ئەمڕۆ یەكشەممە، كۆبوونەوەی ئەنجومەنی وەزارەتی خوێندنی باڵا و توێژینەوەی زانستیی هەرێم بە سەرپەرشتیی خالید شوانی وەزیری خوێندنی باڵا بە وەكالەت بەڕێوەچووە و لەبارەی زیادكردنی وانەی پەرینەوە (عبور)ەوە بڕیارێكی نوێی دەركرد.
لە ڕاگەیەندراوەكەدا هاتووە، ئەنجومەنی وەزارەت بڕیاریدا بە زیادكردنی وانەی پەڕینەوە (عبور) بۆ دوو وانە لە سیستمی ساڵانە و چوار وانە لە سیستمی وەرزی، تەنها لەو قۆناغانەی كە سیستمی خوێندن تیایدا دەگۆڕدرێت بۆ شێوازی بۆڵۆنیا.
