سەرۆكی حكومەتی ڤاتیكان هۆشداریدەدات لە هەڵایسانی جەنگی ئەتۆمی لە جیهاندا بەهۆی ناكۆكییەكانی پەیوەست بە ئۆكرانیاوە.
پیترۆ بارۆلین سەرۆكی حكومەتی ڤاتیكان بەبۆنەی ڕۆژی جیهانیی داماڵینی چەكی ئەتۆمییەوە ڕایگەیاند، تا ئەوكاتەی چەكی ئەتۆم بوونی هەبێت، ناتوانین ئەگەری بەكارهێنانی بەدووربزانین، كە هەڕەشەیە بۆسەر بوونی مرۆڤایەتی.
بەپێی وتەی ئەو، ناكۆكییەكان لە ئۆكرانیا “هەڕەشەی مەترسیداری لەبارەی بەكارهێنانی چەكی ئەتۆمییەوە زیادكردووە”، ئەمەش نیشانەیە بۆ “ئاستی نزیكیی جیهان لە جەنگی ئەتۆمییەوە”.
لەكاتێكی پێشتریشدا پاپا فرانسیس پاپای ڤاتیكان ڕایگەیاند، بەكارهێنانی وزەی ئەتۆم بۆ مەبەستی سەربازی بە تاوانی دژ بە كەرامەتی مرۆڤ و “هەر ئایندەیەكی چاوەڕوانكراو”ی مرۆڤایەتی دادەنرێت.
پاپا خاوەندارێتیكردنی چەكی ئەتۆمی بە كارێكی نائەخلاقی ناوبرد و داوای وازهێنان لەو جۆرە چەكانەی كرد.
