توركیا ڤیدیۆی یەكێك لە هێرشەكانی سەربازانی وڵاتەكەی لە ناوچە سنوورییەكانی هەرێم بڵاوكردەوە و میدیای پەكەكەش دەڵێت، بەڵگەی بەكارهێنانی چەكی قەدەغەكراوە.
لە تویتەری وەزارەتی بەرگریی توركیا ڤیدیۆیەکی بڵاوکرایەوە، تیایدا دەردەکەوێت سەربازانی تورکیا لە دژی گەریلا و لە شەڕی تونێلەکاندا بۆری بۆ ناو یەكێك لە تونێلەكان درێژدەكەن.
بەپێی سایتی ڕۆژنیوز-ی نزیك لە پەكەكە لەڕێی بۆرییەكەوە “گازی ژەهراوی و چەکی قەدەغەکراو لە تونێلەکاندا” بڵاودەكرێتەوە و بەو هۆیەوە دژی گەریلا دەوەستنەوە.
وەزارەتی بەرگریی توركیا لەبارەی ئەو وێنە و ڤیدیۆیانە نووسیویەتی، سەربازەکانمان بەردەوامن لە چالاکییەکانی گەڕان و سکان-کردن لە ناوچەی ئۆپەراسیۆنی چنگ-قفڵ.
لە دوای دەستپێکردنی ئەو ئۆپەراسیۆنەوە بەردەوام هەپەگە باس لەوە دەکات کە سوپای تورکیا چەکی قەدەغەکراو لە دژیان بەکاردەهینێت، بەڵام تائێستا هیچ ناوەندێکی هەرێمی و نێودەوڵەتی لێکۆڵینەوەی لەو بارەیەوە نەکردووە.
https://www.youtube.com/watch?v=4DJfKTvLaks&t=30s
