پەرلەمانتارێكی فراكسیۆنی یەكێتی لە ئەنجومەنی نوێنەرانی ڕایدەگەیەنێت، هەر پڕۆژەیاسایەك بنەماكانی دەستوور و شایستەی خەڵكی هەرێمی كوردستانی تێدا نەبێت دەنگی پێنادەن.
بڕیارە سبەینێ ئەنجومەنی نوێنەرانی عێراق دەنگ لەسەر پڕۆژەیاسای ئاسایشی خۆراك بدات و پەسەند بكرێت كە پێشتر ئەو پڕۆژەیاسایە لەلایەن دادگای فیدراڵییەوە ڕەتكرابووەوە.
كاروان یاروەیس، پەرلەمانتاری فراكسیۆنی یەكێتی لە ئەنجومەنی نوێنەرانی عێراق ڕایگەیاند،هەر پڕۆژەیاسایەك بنەماكانی دەستووری تیا نەبێت و ماف و شایستەكانی هاوڵاتییانی هەرێمی كوردستان و ناوچە دابڕێنراوەكانی تێدانەبێت دەنگی پێنادەن.
