دوای ڕاپۆرتێكی تۆڕی میدیایی ئێستا ، مووچە بۆ ژمارەیەك لە خاوەنپێداویستیی تایبەت لە كەركوك دەبڕدرێتەوە و ناوەكانیان پێشكەش بە وەزیری كار و كاروباری كۆمەڵایەتیی عێراق كرا.
دیلان غەفور، پەرلەمانتاری فراكسیۆنی یەكێتیی نیشتمانیی كوردستان لە ئەنجومەنی نوێنەرانی عێراق بڵاویكردووەتەوە، لە سەردانەكەیان بۆ لای وەزیری كار و كاروباری كۆمەڵایەتیی عێراق، داوایانلێكرد مووچە بدرێـتە ئەو خاوەنپێداویستییە تایبەتانەی كە تائێستا مووچەیان بۆ نەبڕدراوەتەوە.
وتیشی، ” بۆ ئەو مەبەستە لیستی ناوەكانمان پێشكەشكرد بە وەزیری كار و كاروباری كۆمەڵایەتی كرد و ڕەوانەی لیژنەی پزیشكی دەكرێن.
ئاشكرایكرد، “ڕەزامەندی لەسەر داواكارییەكەمان درا بۆ كردنەوەی بەشی تۆڕی پاراستنی كۆمەڵایەتی لە قەزای داقوق و ناحیەی شوان بە مەبەستی سوودمەندبوونی خێزانە كەمدەرامەتەكان لە هاوكارییەكانی تۆڕی پاراستنی كۆمەڵایەتی”.
