لە ڕێگەی ئۆتۆمبێلێكەوە هەوڵدرا هێرشبكرێتەسەر سەربازگەی زیلكانی توركی لە باشیك، بەڵام فڕۆكەی بێفڕۆكەوانی توركی ئۆتۆمبێلەكەیان بۆردومانكرد.
كەمێك لەمەوبەر فڕۆكەی بێفڕۆكەوانی توركی ئۆتۆمبێلێكی بۆردومانكرد كە هەوڵیدەدا هێرشبكاتەسەر سەربازگەی زیلكانی توركی لە سنووری ناحیەی باشیك و بەهۆی بۆردومانەكەوە ئۆتۆمبێلەكە تێكشكا.
لە كاتێكی پێشتری ئەمشەودا سەربازگەی زیلكانی توركی مووشەكباران كرابوو.
بەپێی زانیارییەكانی پەیامنێری تۆڕی میدیایی ئێستا، پێنج مووشەک ئاراستەی سەربازگەی زیلكان کرابوون، بەڵام مووشەكبارانەكە هیچ زیانێكی گیانی نەبووە.
