سەرۆكی لقی سلێمانیی سەندیكای كارمەندانی تەندروستی ڕایدەگەیەنێت، سبەینێ كۆبوونەوەی ئەنجومەنی وەزارەتی تەندروستی بەرێوەدەچێت و چاوەڕواندەكرێت بڕیارێك لە بەرژەوەندیی خۆبەخشەكان بدرێت.
هاوژین عوسمان، سەرۆكی لقی سلێمانیی سەندیكای كارمەندانی تەندروستی لە لێدوانێكدا بە تۆڕی میدیایی ئێستای ڕاگەیاند، ئەمڕۆ یەكشەممە خۆپیشاندان و ناڕەزایی دژی دامەزراندنی كارمەندانی خۆبەخش لەسنووری پارێزگای دهۆك ئەنجامدراوە و سبەینێش خۆپیشاندانەكان بەردەوامدەبێت ناكرێت هیچ كەسێك بۆ سنووری پارێزگاكانی سلێمانی و هەڵەبجە دانەمەزرێندرێن.
سەرۆكی لقی سلێمانیی سەندیكای كارمەندانی تەندروستی وتی، “بڕیارە سبەینێ دووشەممە كۆبوونەوەی ئەنجومەنی وەزارەتی تەندروستی بەرێوەبچێت و چاوەڕواندەكرێت لە بەرژەوەندیی كارمەندانی خۆبەخش لە سنووری پارێزگای سلێمانی و هەڵەبجە بڕیاربدرێت و ئومێد دەخوازین بڕیاری دڵخۆشكەر لەبارەی خۆبەخشەكانمانەوە بدرێن”.
ئاشكرایكرد، ” ناكرێت بە نووسراوی نهێنيی كارمەندی خۆبەخش بۆ سنووری پارێزگای دهۆك دابمەزرێت و لە سلێمانی و هەڵەبجە كارمەندانی خۆبەخش دانەمەزرێندرێن بۆیە ئێمەش فشارمان كردووە و داوادەكەین مافی خۆبەخشەكانمان پێشێلنەكرێن”.
