وەزارەتی بازرگانیی عێراق بەڵێندەدات كێشەی دابەشنەكردنی ئارد لە هەرێمی كوردستان چارەسەربكات.
موسەننا ئەمین، ئەندامی ئەنجومەنی نوێنەرانی عێراق ڕایگەیاند، بۆ چارە‌سە‌ركردنی كێشەی بە‌شە ئاردی مانگانە‌ی هاوڵاتییانی هەرێمی كوردستان پەیوەندیی بە سە‌رۆك كۆماری عێراق و وە‌زیری بازرگانیی عێراقەوە كردووە.
ئاماژەی بەوە كرد، تائێستا لە‌هە‌رێمی كوردستان وە‌جبە‌ی یە‌كە‌م بە‌تە‌واوی دابە‌شنە‌كراوە، وەزارەتی بازرگانیی بڕی گە‌نمی پێویستی نە‌ناردووە بۆ ئاشە‌كان تا بڕی پێویست بەرهەمبهێنن بۆ دابەشكردنی ئارد بەسەر هاوڵاتییاندا،
موسەننا ئەمین وتی، “لە‌پە‌یوە‌ندییە تەلەفۆنییەكەدا وە‌زیری بازرگانیی عێراق بە‌ڵێنیدا بە‌زووترین كات و لە ڕۆژانی داهاتوودا چارە‌سە‌ری ئە‌م كێشە‌یە بكرێت”.
