وەزارەتی بەرگریی ڕوسیا جەختدەکاتەوە زیاتر لە هەزار سەربازی هێزی دەریایی ئۆکرانیا لە ماریۆپۆل، چەکیان داناوە و خۆیان ڕادەستی هێزەکانی ڕوسیا کردووە.
ئیگۆر کۆناشینکۆڤ وتەبێژی وەزارەتی بەرگریی ڕوسیا ئاشکرایکرد، هەزار و 26 ئەندامی لیوای 36ی هێزی دەریایی ئۆکرانیا خۆیان رادەستی هێزەکانی ڕوسیان کردووە.
بەپێی وەزارەتی بەرگریی ڕوسیا، لەناو ئەوانەی خۆیان ڕادەستکردووە، 162 ئەفسەر، 47 ژن و 151 بریندار هەن کە فریاگوزاریی تەندروستییان بۆکراوە.
ئەمە لەکاتێکدایە لە هەفتەی ڕابردوودا ڕەمەزان قەدیرۆڤ سەرۆکی چیچان ڕایگەیاند، زیاتر لە 260 ئەندامی هێزە دەریاییەکانی ئۆکرانیا خۆیان ڕادەستی هێزەکانی ڕوسیا کردووە.
