بەڕێوەبەرایەتیی كەشناسی و بومەلەرزەزانیی هەرێمی كوردستان، پێشبینییەكانی كەشوهەوای بۆ ئەمڕۆ و سبەینێی شارەكانی هەرێمی كوردستان بڵاوكردووەتەوە و ڕایگەیاندووە، “بارانبارین بەردەوامدەبێت و پلەكانی گەرما دادەبەزن”.
بەپێی ڕاگەیەندراوێكی بەڕێوەبەرایەتیی كەشناسی و بومەلەرزەزانیی هەرێمی كوردستان ئەمڕۆ هەینی بڵاویكردووەتەوە، لە پارێزگای هەولێر ئاسمان پەڵە هەور بۆ نیمچە هەور دەبێت و دواتر دەگۆڕێت بۆ هەوری تەواو لەگەڵ بارینی نمەباران و بارانی مامناوەند لە زۆربەی ناوچەكان لە كاتەكانی دوای نیوەڕۆ , ئەگەری هەورە تریشقە و بەفرێكی كەم لە ناوچە شاخاوییەكان هەیە ،
بۆ سبەینێ ئاسمان نیمچە هەور بۆ هەوری تەواو دەبێت لەگەڵ بارینی نمە باران لەكات و ناوچەی جیاوازدا.
ئاماژە بەوە كراوە، لە پارێزگای سلێمانی ئاسمان نیمچە هەور دەبێت دواتر بۆ هەوری تەواو دەگۆڕێت لەگەڵ بارینی بارین لە كاتەكانی دوای نیوەڕۆدا.
بۆ سبەینێ شەممە ئاسمان لەنێوان نیمچە هەورو هەوری تەواو دەبێت لەگەڵ بارینی نمە باران لە كات و شوێنی جیاوازدا.
سەبارەت بە پارێزگای هەڵەبجە كەشناسیی هەرێم بڵاویكردووەتەوە،ئاسمان نیمچە هەور دەبێت دواتر بۆ هەوری تەواو دەگۆڕێت لەگەڵ بارینی نمە باران لە كاتەكانی دوای نیوەڕۆ لە هەندێك ناوچە باران زیاتردەبێت, هەروەها زیادبوونی خێرایی با و بارینی بەفرێكی كەم لە ناوچە شاخاوییەكان.
بۆ سبەینێ ئاسمان نیمچە هەور بۆ هەوری تەواو دەبێت لەگەڵ بارینی نمە باران لەكاتی بەیانیدا.
كەشناسی هەرێم ئاماژەی بەوە كردووە، لە پارێزگای كەركوك ئاسمان پەڵە هەور و نیمچە هەور دەبێت لەگەڵ ئەگەری نمە باران و هەورە تریشقە لە كاتەكانی ئێوارەدا، بۆ سبەینێ ئاسمان پەڵە هەور و نیمچە هەور دەبێت.
سەبارەت بە پارێزگای دهۆك، ئەمڕۆ ئاسمان نیمچە هەور و دواتر هەوری تەواو دەبێت لەگەڵ بارینی باران لە زۆربەی كاتەكان لە دوای نیوەڕۆ ڕێژەی بارانبارین زیاد دەبێت و لە هەندێك ناوچە هەورە تریشقە و لێزمە باران دەبێت لەگەڵ بارینی بەفرێكی كەم لەناوچە شاخاوییەكان.
بۆ سبەینێ ئاسمان نیمچە هەور بۆ هەوری تەواو دەبێت .
