بەڕێوەبەری گشتیی پەروەردەی سلێمانی ڕایگەیاند، هەر دوو پەروەردەی ڕۆژهەڵات و ڕۆژئاوای سلێمانی بەهۆی سەرما و سۆڵەوە سبەی دوو شەممەیان كردوە پشوو، كە تەنها بۆ باجچەی ساوایان و بازنەی یەك (پۆلی 1 و 2و 3)ی بنەڕەتی دەگرێتەوە.
دڵشاد عومەر، بەڕێوەبەری گشتیی پەروەردەی سلێمانی بە تۆڕی میدیایی ئێستای ڕاگەیاند، ” بەهۆی ئەو شەپۆلە سەرمایەی پێشبینی كراوە، سبەی دوو شەممە 17ی 1ی 2022 لە باخچەی ساوایان و بازنەكانی یەكی بنەڕەتی، كە ( پۆلەكانی یەك و دوو و سێ ) دەگرێتەوە، دەکرێتە پشوو”.
تا ئێستا باس لەوە نەكراوە، كە سبەی دوو شەممە دەوام و تاقیکردنەوەی قۆناغەكانی دیكە چۆن دەبێت.
