نرخى نه‌وت له بازاڕه‌كانى جیهان جارێكى دیكه به‌رزبووه‌وه و به‌یانى ئه‌مڕۆ نرخى هه‌ر به‌رمیلێك بۆ نزیكه‌ى 82 دۆلار به‌رزبووه‌وه.
له‌گه‌ڵ كردنه‌وه‌ى بازاڕه‌كانى نه‌وتدا ئه‌مڕۆ جارێكى دیكه نرخى نه‌وت به‌رزبووه‌وه و نرخى یه‌ك به‌رمیلی برێنت به 81.95 دۆلار مامه‌ڵه‌ى پێوه‌كرا، له كاتێكدا له چه‌ند ڕۆژى ڕابردوو نرخى نه‌وت بۆ خوار 80 دۆلار دابه‌زیبوو.
هاوكات نرخى یه‌ك به‌رمیل نه‌وتى خۆرئاواى ئه‌مریكاش بۆ 79 دۆلار به‌رزبووه‌وه.
ئاژانسی ڕۆیته‌رز بڵاویكرده‌وه، به‌هۆی كه‌مبوونه‌وه‌ى مه‌ترسییه‌كانى گۆڕاوى ئۆمیكرۆن و كه‌مبوونه‌وه‌ى نەوت لە ئه‌مباره‌كانى نه‌وتى ئه‌مریكا نرخى نه‌وت به‌رزبووه‌ته‌وه.
