لە كۆنگرەیەكی ڕۆژنامەوانییدا شیلان عارف خوشكی ئەو كچەی ئەمڕۆ لە سلێمانی تەرمەكەی دۆزرایەوە ڕایگەیاند، “كێشەمان لەگەڵ هیچ كەس و لایەنێك نییە و چاوەڕێی دادگا و پۆلیسین كاری خۆیان بكەن”.
سەبارەت بە هۆكاری ڕوداوەكە خوشكی قوربانییەكە ئاشكرایكرد، “نازانین هۆكاری كوشتنەكە چییە، چاوەڕوانی ڕونكردنەوەی پۆلیسین و سكاڵامان تۆماركردووە لەبارەی كەیسەكە”.
شیلان عارف سەبارەت بە ڕوداوەكەی قەزای دوكان كە پیاوێك “كۆتایی بە ژیانی خۆی هێناوە” ئاماژەی بەوەكرد، “هیچ ئاشنایەتییمان لەگەڵ ئەو كەسەدا نییە و نازانین كێیە، لەوانەیە ڕوداوەكان پەیوەندییان هەبێت و لەوانەیە پەیوەندییان نەبێت”.
“ئەم خوشكەی من لە 2013ەوە لە هاوسەرەكەی جیابووەتەوە و خاوەنی دوو منداڵە و بە ئارەزووی خۆیان جیابوونەتەوە و كێشەیان نەبووە”، وەك شیلان عارف وتی.
ئەوەشی خستەڕوو، “لە هیچ كەس و لایەنێك خۆش نابین كە دەستی لەم ڕوداوەدا هەبێت، بۆ دادگا و پۆلیسمان جێهێشتووە”.
