سبەینێ ئەو كۆبوونەوەیەی لەنێوان یەكێتی و پارتیدا ئەنجامدەدرێت، لەسەر ئاستی مەكتەبی سیاسیدا نییە، بەڵكو ههردوو مهكتهبی ههڵبژاردنى یهكێتى و پارتى له شارى سلێمانى كۆدەبنهوه، بەرپرسێكی یەكێتیش دووپاتیدەكاتەوە، لەبارەی پۆستی سەرۆك كۆمارەوە وەڵامی كۆنكرێتیی پارتییان داوەتەوە.
سهرچاوهیهك له مهكتهبی سیاسیی یهكێتى به تۆڕی میدیایی ئێستاى ڕاگهیاند، ”كۆبوونهوهكهى سبهینێی یهكێتى و پارتى له ئاستى مهكتهبی ههڵبژاردنهكان دهبێت، نهك مهكتهبی سیاسی”.
وتیشی، “ئهو لیژنانهى یهكێتى چ بۆ پرسەكانی تایبەت بە ههرێمى كوردستان، یان پێكهێنانى حكومهتى داهاتووى عێراق پێكیهێناون، لهگهڵ پارتى و لایهنى دیكهش كۆبوونهوهیان دهبێت”.
سهرچاوهكهى مهكتهبی سیاسیی یهكێتى جهختیكردهوه، ئهو دهنگۆیانهى له میدیاكانهوه بڵاودهكرێنهوه لهبارهى پۆستى سهرۆك كۆمار، دوورن لهڕاستییهوه، چونكه یهكێتى وهڵامى كۆنكرێتیی داوهته پارتى كه پۆستى سهرۆك كۆمار پشكى یهكێتییه.
