لیژنەكانی قائیمقامیەتی سلێمانی خواردنگەی “كەهرەمانە”یان داخست، كە یەكێكە لە پڕفرۆشترینەكانی سلێمانی، پابەند نەبووە بە ڕێنماییە تەندروستییەكانەوە.
لەڕاگەیەندراوێکدا قائیمقامیەتی سلێمانی بڵاویکردەوە، “بەهۆی پابەندنەبوون بەمەرج و ڕێنماییەکانی تەندروستی و ڤێتێرنەری، لیژنە هاوبەشەکانی قائیمقامیەتی سلێمانی خواردەمەنیی کەهرەمانەی لە شەقامی سالم داخست”.
لەکاتی سەردانی لیژنەکە بۆ خواردەمەنیی کەهرەمانە، دەرکەوتووە شوێنەکە بەهیچ شێوەیەک پابەندی مەرجە تەندروستی و ڤێتێرنەرییەکان نابێت و ئەو خواردەمەنییانەی پێشکەشی دەکات تەندروست نین.
بۆیە قائیمقامیەتی سلێمانی دووپاتیكردەوە، سەرەڕاری ئەوەی خواردەمەنیی کەهرەمانە دادەخرێت، خاوەنەکەشی ڕووبەڕووی ڕێکاری یاسایی دەکرێتەوە.
