فڕۆکەکانی تورکیا لەشەوی ڕابردووەوە بەردەوامن لەبۆدومانکردنی سنوورەکانی قەزای باتیفا و بەوهۆیەشەوە ژنێک لەگوندی بانکی سەروو برینداربووە.
پەیامنێری تۆڕی میدیایی ئێستا گواستییەوە، شەوی ڕابردوو لەکاتژمێر 12:00ی شەوەوە تورکیا بەردەوامە لەبۆردومانکردنی قەزای باتیفا و دەوروبەری و بۆردومانەکە تائێستاش بەردەوامی هەیە.
بەپێی زانیارییەکانی تۆڕی میدیایی ئێستا، لە گوندی بانکی سەرووی سەربە قەزای باتیفا ژنێک بەهۆی بۆردومانەکەوە برینداربووە و گواستراوەتەوە بۆ نەخۆشخانە.
هاوکات لە قەزای ئامێدی و چەمانکێ و گوندەکانی دەوروبەری فڕۆکەکانی تورکیا بەردەوامن لەبۆردومانکردن بەبیانووی بوونی گەریلاکانی پەکەکە لەو ناوچانە.
